古巨基雖然已貴為樂壇天王級歌手，平時多被記者包圍訪問，但他昨日卻紆尊降貴客串做無綫東亞運主持，還親自到運動場揸咪訪問東亞運出爐110米跨欄冠軍劉翔。基仔和劉翔私交甚篤，平時會互相以基哥和翔翔稱呼，昨晚基仔更與劉翔晚膳，慶祝老友奪金。
古巨基昨日代表無綫到將軍澳運動場訪問剛奪東亞運動會110米跨欄金牌的劉翔，基仔拿着咪牌與其他體育記者為伴，感覺猶如他當年任《娛樂新聞眼》主持一樣。
劉翔甫見基仔，即特別走近他，還叫了他一聲「基哥」。其間劉翔雖然要應付其他記者的連串問題，但他雙眼一直望着眼前的好友基仔，彼此甚有交流，基仔更把握機會向劉翔提問，劉翔接受訪問完畢，更主動伸手與基仔相握。
一起晚膳慶奪金
基仔事後在電話中大讚劉翔昨日在賽場上的表現，他說：「覺得佢好勁呀，現場睇感覺份外刺激，其實08年我都有喺鳥巢支持佢，但嗰次佢卒之都冇出賽，今次終於睇到佢比賽，見佢狀態咁好，好戥佢開心。」問兩人可趁機會在港吃飯敍舊嗎？基仔說：「唔話畀你知。」
雖然基仔故作神秘，但昨晚7時半他和劉翔現身圓方利苑酒家吃飯。有途人雖認出劉翔，並高呼叫他，然而劉翔並沒反應。問基仔是否為劉翔慶祝？他說：「普通食飯啫。」基仔逗留了約20分鐘後先行離開，但原來留下女友兼助手Lorraine殿後招呼，8時多她陪伴劉翔及其教練離開食肆，劉翔大讚晚餐：「好吃。」可會往購物？他說：「我回酒店休息。」
基仔透露無綫在數星期前邀請他客串做主持，他也很想在現場為劉翔打氣，在一舉兩得下故一口答應，基仔說：「因為係翔翔，我哋好耐冇見，又好想嚟支持吓佢，我覺得冇所謂咪做囉。」
合唱後成為好友
基仔和劉翔自04年在北京奧運選手凱旋回歸歡迎會中合唱後成為好友；同年9月劉翔來港參加大滙演，再與基仔合唱《好想好想》，兩人更交換了電話。去年劉翔因傷退出北京奧運，基仔也立即傳手機短訊慰問。據知他們互相暱稱做「基哥」及「翔翔」，基仔說：「頭先佢見到我採訪佢，佢話好唔習慣我用呢個角色同佢見面，我覺得好好笑。」
採訪：馬建華、林妃
攝影：仇志德
