張家輝今年風頭可謂一時無兩，憑着一套電影《証人》成為多個電影頒獎禮的影帝，認真攞獎攞到手軟。前晚家輝在某雜誌頒獎禮上又再得獎，雖然忙拍新戲但他仍抽空出席，他還笑說片酬未加但就晚晚簽支票畀家用，儼如CEO。
周慧敏（Vivian）、容祖兒、吳君如及林海峰（Jan）等，前晚到尖沙嘴出席Cosmopolitan雜誌舉辦的頒獎禮。今年憑着電影《証人》而成為多個頒獎禮影帝的張家輝，前晚獲大會頒為「FunFearlessFilmPersonalityoftheYear」。
雖然貴為影帝，加上又忙於拍新戲《綫人》，但家輝忙極亦會親自領獎，他說：「我唔會嫌獎多，乜嘢獎我都一樣咁開心。我唔理乜嘢獎或者獎金有幾多，人哋認同自己先畀獎你，所以我點都會抽時間出席。」身價暴漲有否連老婆關詠荷的家用也增加？他笑言：「我都唔知老婆每個月用幾多，總之每晚我好似CEO咁簽票，人哋唔知以為我做緊大生意。」提到早前接受訪問時笑稱想片酬加一半，家輝重申片酬是要市場去決定。
祖兒病住撐場
祖兒則抱恙現身，她透露喉嚨不適，記者笑言是否因太dry所致？祖兒說：「唔關事，我日日飲蜜糖，ok喎。」稍後祖兒會在戲院為自己入行10周年的紀錄片舉行首映禮，當中有否提及緋聞？祖兒坦言感情在她而言並不重要，再追問有否請前緋聞男友陳方滕到首映禮？祖兒表示雙方在網上有聯絡，對方因不在港故不會出席。
林海峰至叻黑面
得到「FunFearlessManoftheYear」的Jan以一身差利look現身，問到為何會得獎？Jan笑言：「因為我得閒，估唔到出夜街都有回報。」問他有否學過默劇？Jan稱：「黑口黑面同十問九唔應囉。」
採訪：李珮洳
攝影：陳志嵐
