台灣歌手品冠日前發生車禍破相，佢星期三喺台灣屋企附近踩單車，點知落斜時速度太快連人帶車跌喺地上，結果上唇人中處同下巴血流如注，咁啱有位剛生完BB嘅媽咪，即刻攞尿布包住佢下巴止血，然後再到醫院治理，結果縫咗20幾針外，仲要喺牙齒纏鋼線固定下顎矯正器，搞到個嘴唔可以張開，只能食流質食物。