正當八方愁緊交稅嘅時候，行家傳來令人羨慕消息，免費報章《am730》下個月出花紅，據講好有驚喜。《am730》一年之中，分別喺1月同6月出兩次花紅，雖然今年上半年個市好差，不過《am730》都有花紅分，八方聽《am730》行家講，今年6月花紅平均都有幾千蚊，而下個月出嘅年終花紅就肥仔水咯，外傳相等於幾個月人工，真係恨死隔籬。
權威消息人士則強調冇咁多，千祈唔好誇大花紅金額，暫時只可以講下個月花紅，應該最少係6月份花紅嘅三至四倍，消息人士話花紅多少屬其次，最重要係管理層表揚同事整年工作，齊齊開心過年。