做演員雖然要嘗試不同角色，就算扮醜女都不應有怨言，陳自瑤（YoYo）也深明箇中道理，但看到《宮心計》中對手楊怡盛裝扮妃子，YoYo恨到流晒口水，由於她在《宮》劇中付出努力扮奸婢，近日終有回報，獲監製梅小青點名安排在另一套新劇《公主駕到》中升呢扮刁蠻公主。
陳自瑤在劇集《宮心計》中扮演宮婢飛燕，因扮奸上位，她拍攝該劇時，看到扮奸妃的楊怡服飾漂亮，非常羨慕，近日YoYo夢想成真，在梅小青監製、即將開拍的古裝喜劇《公主駕到》中升呢扮公主，還與佘詩曼、陳敏之和葉翠翠等做公主姊妹。
喜劇難掌握
據知YoYo扮演的公主性格刁蠻，經常會欺負好姊妹阿佘，YoYo說：「因為仲未開會，詳情唔係好清楚，不過呢次係我首次拍喜劇，都算係新嘗試。」她非常感謝梅小青的賞識，她說：「之前試造型，小青姐猛話我呢次扮公主有靚衫着，我真係好開心，終於恨到，所以我一定會更加畀心機去做。」
《公》劇將於本月底開拍，面對這個新挑戰，YoYo近日積極準備，她狂煲喜劇和笑片，YoYo說：「講真拍喜劇真係好難掌握，好怕自己拍唔出嗰份喜劇感，捉唔到當中嘅神髓。」問到YoYo欣賞哪一位笑匠，她衝口而出：「星爺（周星馳），無論佢邊套戲，真係睇到觀眾捧腹大笑，帶好多歡樂畀觀眾，我好想向佢學習。」
採訪：比華利 攝影：仇志中