人氣Band友MR.近期走勢凌厲，憑一首《如果我是陳奕迅》殺出血路，相信在即將舉行的各大樂壇頒獎禮上必定大豐收。不過竄紅後的MR.依然慳家，日前本報直擊五子一日行程，鍾情rock友的他們雖然打扮和外表cool爆，但坐車慳又食得平，平凡一如升斗市民。
煲煙唞唞
當日MR.開工忙不停，成員Dash要充任柴可夫載着隊友四圍去，連請司機都慳番。五子在屯門出席宣傳後先去青衣邨換車，並與在場數名親友齊企停車場吹水，童心未泯的Ronny還不時撩細路，得孩子哈哈笑。
之後五子會合友人去青衣城的SpaghettiHouse開餐，其間Dash、MJ和Tom更去戶外煲煙，約一粒鐘後MR.埋單，又驅車往南京街錄音室錄歌，全日風塵僕僕，新人王相信有排捱。
採訪、攝影：李志明、朱志聰