胡杏兒昨日到商台宣傳新碟，對於緋聞男友黃宗澤大讚她的背脊白滑兼靚，杏兒笑得很甜地說：「梗係喇！仲使講。」談到新碟銷量，杏兒說：「聽公司講第一批嘅數字好理想，有外地嘅fans一次過喺網上買咗百幾隻，我哋知道呢個消息後都好開心。」
張智霖助陣
杏兒表示後日（13日）會舉行新碟音樂會，除有張智霖助陣外，也請了不少無綫藝人出席，其中當然包括黃宗澤，杏兒說：「做我哋呢行時間好難夾，我都未知佢（黃宗澤）會唔會嚟，可能要到嗰日先知。」
問到杏兒在音樂會中會有甚麼特別演出？她說：「雖然我唔係一個性感在骨子裏嘅人，不過我會畀一個驚喜大家，希望睇到我狂野同性感嘅一面。」
採訪、攝影：何慧斯