昨日鄭秀文（Sammi）到九龍城為聖誕期間舉行的「LOVEMI鄭秀文Sammi世界巡迴演唱會」排舞，其排舞師特別用膠袋將窗封住防偷拍。另外，近日有人在網上炒賣Sammi的演唱會門票，更被炒貴一倍。
樂壇天后鄭秀文相隔兩年再登紅館開騷，於平安夜舉行一連10場的跨年演唱會，為以最佳狀態示人，近日她已積極鍛煉「老鼠仔」。由於開騷適逢聖誕佳節，故出現一票難求的情況，近日甚至有人在Yahoo!拍賣網上炒賣門票，其中於12月28日舉行、價值480元的門票，被炒至1,000元，相當「揦脷」。
「跳舞大汗好正常」
昨日在九龍城排舞室排舞的Sammi勸歌迷不要買黃牛飛，她說：「我想fans隨遇而安，出DVD會更好睇。」Sammi透露欠下一身飛債，連家人親友、圈內外朋友及教會朋友都要cut飛，她笑言演完紅館10場後，要在家中再演一場給親友欣賞。
Sammi昨日排舞時，想以靚樣示人而沒有跳舞，只是擺甫士拍照。現場所見排舞室的窗被膠袋封住，Sammi解釋說：「排舞師自動封住啲窗，我做嘢一向好搏命，跳舞滿頭大汗個樣唔四正好正常，我都知個樣恐怖，不過唔好再用扭曲嘅角度去寫。」Sammi指自己不是敷衍了事的人，她續說：「如果我hea吓hea吓，一滴汗都唔流，我就唔使嚟排啦。」
否認捐獻3000萬
此外，有消息指Sammi捐了3,000萬給教會，她澄清說：「我有3,000萬就唔使唱啦，每次奉獻都好隨心。」
採訪：李珮洳
攝影：陳志嵐
潮出個唱產品
鄭秀文在今次跨年演唱會中將會推出一系列「Faith．Hope．LoveMi」的演唱會紀念產品，Sammi還破天荒以深受女性歡迎的HelloKitty作藍本，將會推出13吋高、價值$480、全港限量500隻的「HelloMi」公仔，另外還有頸鏈、手鏈、手錶、毛巾、長身Tee（圖）和兩用袋等潮流產品。
