花旗股市前晚升番51點，靠近高位收市，睇個勢噚晚仲有得升，但已接近阻力位，升幅應該唔會太大。
噚日淡友攻勢相當狠，大市成交增至820億元，不過恒指喺21600附近有好強支持，淡友攻過好幾次都彈番上嚟，造淡嘅人多咗，反而製造挾淡機會，噚日晏晝就出現過挾淡倉。
鞍鋼C輪18754：鞍鋼（347）噚日報收16.56元，升0.7%。股價維持近日橫行走勢，大方向仍係向上，升破17.50元睇20元，可以諗吓隻C輪18754。
隻輪現價24.5仙，2010年5月5日到期，行使價18元，溢價23.4%，引伸波幅71.4%，有效槓桿3.5倍，正股升上20元，18754有機見45.2仙，如果正股跌穿15.50元，就沽咗隻輪止蝕。
俊樺