黃日華7年前不滿無綫減騷兼拍攝時間長，憤然離開，早前得苗僑偉做中介人，力邀黃日華回巢拍攝新劇《刑警》。昨日《刑警》全體演員在電視城拜神，《刑警》拍攝進入最後階段，華哥表示拍攝仍然很辛苦，他說：「我今晚都要開到27（即凌晨3時），平時都好多早班同外景，不過今次返來係好過以前，都有6個鐘休息，我都覺得溝通過係好啲。」
爆華仔曾探班
無綫雖然有改進，但制度仍存在很多問題，華哥表示以後再返無綫拍劇機會很微，他說：「再拍機會唔大，太困身，電視劇我一日一組，同埋我絕對介意飛紙仔，唔止對個演員，對導演同其他工作人員都有影響，我始終唔慣。」拍攝《刑警》期間，原來劉德華曾到錄影廠探班，華哥說：「係呀，睇我哋拍咗一場戲，然後傾咗一陣。」宣萱說：「華仔突然出現，搞到個廠班人癲晒，個個搵佢影相，佢仲睇我哋做戲，搞到我鬼死咁大壓力。」
採訪、攝影：楊潔雯