衞蘭昨日與師弟李治廷接受新城電台訪問，卻遲到近30分鐘才現身，衞蘭甫到場即多次說對不起，她指是為電影配音而遲到，李治廷也稱下不為例。
對於文詠珊（JaniceMan）日前被人撞破拍拖，急忙撇下男友上的士，問衞蘭會否覺得JaniceMan鬼祟？她笑個不停說：「我唔識睇中文，唔知發生乜嘢事呀。你哋有冇相睇吓，我要睇咗相先知道喎。」
「佢係叻女」
衞蘭表示與Janice拍戲時甚少提感情事，問是否與兩人不和有關？她說：「我哋唔係不和，唔好咁樣寫呀。只係我哋一向投入工作，有時間都用嚟背稿。」會否用大師姐身份教她？衞蘭笑說：「佢識得點處理，佢係叻女，可能當時係冇準備之下俾人嚇一跳先會跳開，你要知道佢只係得20歲，而且仲係新人冇經驗，要經歷一下先知點樣做。」
採訪、攝影：何慧斯