剛奉子成婚的徐淑敏（Suki）雖然正在度蜜月，但出發前不忘抽空接拍護膚品廣告，既可搵奶粉錢，也順道向腹中囡囡胎教扮靚之道。懷孕4個多月的她更自言購物慾大減，希望留多些金錢給孩子，看來將與夫婿在日本過聖誕的她，真的有情飲水飽。
上月結婚的徐淑敏，目前正與飲食界才俊夫婿黃浩（Kenny）享受蜜月之旅，但婚前她也不忘搵定奶粉錢，替由她代言的護膚品牌Giffarine拍攝新一輯宣傳照，Suki的一臉彩妝，充滿聖誕氣氛。
飲暖水護膚
Suki表示過去仍是單身一族時，愛相約朋友開P慶祝聖誕，但今年卻變成三人世界，剛奉子成婚的她會跟老公到日本過聖誕。她認為日本是一個浪漫的地方，婚後第一個聖誕在當地度過，絕對是難忘的回憶。
自從懷孕後，Suki自言更加注重皮膚保養，她說：「我好怕冬天皮膚好乾，容易出細紋，所以我會小心選購護膚品，除咗飲多啲暖水，仲會敷多啲mask。」Suki時時刻刻都要扮到最靚，希望胎教腹中囡囡扮靚之道。
購物慾大減
Suki如今懷有4個多月身孕，胃口很好，她透露腹中的小虎女最愛吃牛肉和飲牛奶，自從成為準媽咪後，Suki笑言食慾大增，但購物慾卻大大減少，她說：「我家會留番多啲錢將來畀BB，因為做人父母總希望將最好嘅都留畀小朋友，我自己反而買少咗嘢。」
Suki的預產期在明年3月底，雖然小B女未出世，但其好姊妹沈卓盈（Jess）已爭做契媽，Suki說：「好開心咁多人錫佢，我同Jess一向好好朋友，結婚佢都做我伴娘，點少得搵佢做BB契媽。」 採訪：比華利
