杜拜風雲再起，市傳杜拜世界牽涉嘅債務金額大過之前估計，於是乎資產市場幾乎乜都插，淨得美元升，話係避難喎，其實影響唔會有市場講得咁誇張。
炒家要造淡，花旗股市走唔甩，港股呢兩日個勢亦麻麻，恒指噚日又唔見318點，不過距離條100日線好近，港股再跌嘅空間唔會好大。
吉利C輪19540：吉利（175）噚日報收4.61元，升0.4%，尾段有震倉，升幅收窄，不過工信部話11月汽車產銷又創新高，吉利應該會炒番轉頭，升破5元睇5.80元，可以諗吓隻C輪19540。
隻輪現價1.26元，2010年6月21日到期，行使價4.50元，溢價24.9%，引伸波幅91.8%，有效槓桿2.3倍，正股見5.80元，19540睇2.10元，正股跌穿4.20元，就沽咗隻輪止蝕。
俊樺