汪明荃（阿姐）前晚在尖沙嘴出席「樂善關懷基金開展禮」，她透露近日忙於綵排粵劇《德齡與慈禧》，原來她在30多年前拍攝劇集《清宮殘夢》時演過珍妃，如今首次做慈禧，阿姐笑言升呢了。
甜笑講炒飯
談到阿姐的老公羅家英讚她煮的蛋炒飯是史上最好吃，阿姐甜笑說：「我乜都得，係廚藝唔得，佢做完嘢返嚟話肚餓，工人放咗假，我咪炒飯佢食囉，佢肚餓咪覺得好食。」會否為老公學烹飪？阿姐說：「唔會特登，順其自然啦。」
問兩人同住是否適應？阿姐謂暫時不錯，且家英哥常不在港，故衝突未開始。對於李克勤快將做第二任父親，阿姐笑說：「恭喜晒，最好生一仔一女，生夠一打足球隊都好，佢間屋好大，要多啲人氣。」 撰文：丁寧