唔好以為車會活動就只係假期兜吓風，飲吓茶，講吓車經，原來仲可以做公益事業。早幾日，記者到大埔工業邨附近採訪，突然見唔少保時捷載着一批批小朋友在附近兜圈，八卦心態上前問吓，原來當日係保時捷車會活動，為一間特殊學校籌款，並讓學生一嘗坐保時捷的滋味。當日保時捷會出動咗二十架保時捷，由上午十時起，輪流接載學生在工業邨附近遊車河，一直至下午三時，讓二百多名學生全部一嘗坐保時捷滋味。負責人仲話，除咗出力，會員仲有出錢，今次活動就為學校籌得十五萬元，當日有「波子王」之稱嘅歐陽若曦更送咗啲T恤畀學生㖭。香港咁多車會，如果個個都做吓公益事業，香港弱勢社群就真係有福喇。
記者：趙慧敏