前證監會非上市投資產品高級經理高秉忠想出席立法會雷曼小組聆訊爆料，由於唔知啲料有幾堅，又唔知隨便請一個人作供啱唔啱規矩，故雷曼小組初時婉拒佢要求，不過高秉忠不罷休，甚至向人權監察求助爭取發言權，雷曼小組遂破例花半小時應酬高秉忠，聽吓佢有乜料喺手，再決定是否請佢正式作供。
點知一發不可收拾，其他雷曼苦主知悉後有樣學樣，紛紛要求小組接見，希望直接向議員申訴，小組成員不勝其煩，大嘆不可一，不可再。令議員頭痕嘅高秉忠，乃係回歸前一個前衞政團「蟻聯」核心成員，當年同何秀蘭拍住上，另一戰友係人權監察總幹事羅沃啟，估唔到佢蟄伏多年再出動，今鋪隨時蟻多咬死象。