徐濠縈上周六晚在上海出席陳冠希Juice派對時，大罵某雜誌狗仔隊：「我同Eason（陳奕迅）喺呢行咁耐，預咗出嚟會俾人影，俾人批評，呢啲批評好微不足道，不過搞到小朋友就好卑劣，我認為香港社會都唔會容忍。」
長鏡隊面
徐濠縈續說：「我日日都湊女返學放學，有乜咁特別？我喺十大最佳衣著獎講嘅言論，係覺得要講應該講嘅嘢，係睇唔過眼要幫Eason同Kay（謝安琪），我講完之後，第二日雜誌狗仔隊即刻行動升級，喺學校擺定人招呼我，令我同我個女心靈上極度不安，平時佢哋用私家車跟我，嗰日換貨Van嚟跟我哋，初初我仲以為係綁票㖭，佢哋將支長鏡隊落我同我個女塊面，就好似隊支槍落我塊面，上咗車又成支鏡哄埋玻璃，嗰日校長同好多家長都見到，都話過份。」
採訪、攝影：曾小嘉