港股噚日跌穿10日線，報收22060，睇嚟好似想試條50日線，由於10日、20日線嘅位置同恒指好接近，恒指仍算係在近日橫行水平拉鋸。
伯南克前晚演講嘅內容好豐富，不過投資者最關心都係聯儲局幾時退市，伯南克喺好多環節都暗示，寬鬆貨幣政策會維持一段長時間，算係好消息。
越投C輪19245：越秀投資（123）噚日報收2.57元，升4.8%。股價喺10月尾炒上，挨近2.50元橫行之後回落，近日重拾升勢，噚日升破2.50元，向上睇3.20元，可以諗吓隻C輪19245。
隻輪現價83仙，2010年5月20日到期，行使價2.20元，溢價17.9%，引伸波幅100%，有效槓桿2.2倍，正股升上3.20元，19245睇1.31元，正股跌穿2.30元，就沽咗隻輪止蝕。
俊樺