潮州音樂「自己顧自己」，所以潮州人常被形容為自私孤寒一族。潮人陳智思尊翁陳有慶對此一定反對，事關由阿爺陳弼臣創辦盤谷銀行嘅第一日起就定下家訓：「闊佬人哋，孤寒自己。」話說陳有慶當年喺紐約銀行實習期間，每月有800美元生活費，幾十年前真係相當不俗，但呢筆錢最主要係用來應酬請銀行家食飯，自用甚慳。
陳智思話，呢條家訓延續到佢哋呢代，父親成日都咁教佢哋，對朋友要疏爽啲。據潮州商會唔知有冇作大嘅統計，香港有過百萬潮人，潮州幫咁壯大，對陳智思家族生意咪好大幫助？陳智思反應係咁：「家已經唔可以因為『自己人』而攞到生意，如果可以，我咪做到好多長江嘅生意？事實上係冇！」