一貫重視人才培訓嘅本地第三大銀行恒生（011），佢哋寶號舉辦嘅管理生培訓計劃（ManagementTrainee，簡稱MT），今年就破紀錄接獲逾4000人申請，進入最後甄選嘅100強，恒生預計2009至10年度，會喺其中取錄約30多名MT。
恒生女大班梁高美懿最近就向上述100位候選人，分享銀行理念同企業文化。今日已貴為恒生副董事長兼行政總裁嘅梁太，話自己都係由MT做起，佢勉勵啲年輕人話，只要MT表現良好，三年內可晉身成為行政人員，再優秀啲甚至可以成為高層或CEO，升吓升吓，唔使幾耐，「可能你哋其中一位，會接替我嘅位置啦」。梁太講到咁，睇怕可以激發候選人嘅鬥心噃。