杜拜事件為港股前周五帶來過千億元成交，之後個市波幅逐步收窄，成交亦都縮番，噚日港股成交只有609億元，個市有幾悶，好容易諗到。不過，靜市就係炒個別嘅時候，其實噚日上升嘅股票都超過500隻。
噚日最省鏡要數汽車股，而當中又以駿威（203）最有心有力，短炒相關C輪有得諗。
駿威C輪19301：駿威昨收5.37元，升4.4%，成交配合升勢，突破6元睇6.50元，可以諗吓隻C輪19301。
隻輪現價1.21元，2010年6月29日到期，行使價4.80元。溢價11.9%，引伸波幅60%，槓桿率4.4倍（有效3倍），正股升上6.50元，19301有機見2.06元，約7成升幅，相當吸引，如果正股跌穿5元，就沽咗隻輪止蝕。
俊樺