Angelababy（楊穎）由o靚模升呢潮模後名利是非齊來，日前她接受有線娛樂台節目《主播會客室》訪問，回應種種傳聞，她說：「我最嬲就係傳我整容，仲因為咁喊咗好多次。」
提到Baby與陳偉霆（William）的戀情，Baby謂現在工作太忙，沒時間拍拖。日前Baby在網誌上暗示分手，談到兩人關係，Baby只說：「一直都是朋友之嘛。」再問分手是否很痛苦，她即黯然神傷地說：「講分手真係好難。」答案不言而喻。
「好忙身不由己」
此外，陳偉霆昨日與G.E.M及徐子珊等在觀塘出席新城活動，對於Baby近日在個人網誌中暗示與William此情不再，對此William說：「我成年冇睇過佢嘅網誌，直接聯絡佢會快啲，我都唔知佢失去乜嘢。」問他是否同樣失去一段感情？他嘆道：「失去咗一個情，係人情，呢幾個月因為事業冇時間去理，因為好忙身不由己。」言語間透露與Baby已經分手。
另一方面，新城早前找來市場調查公司在十多間學校做問卷調查，得出學生最欣賞的男、女歌手、DJ和眼中形象最健康的偶像頭三名，男歌手分別是陳奕迅、張敬軒及方大同；女歌手是G.E.M、蔡卓妍及容祖兒；最健康偶像是蔡卓妍、方力申及張敬軒。
採訪、攝影：胡比