新城頒獎禮昨天舉行歌手拉票行動，成為勁爆男歌手三甲人選之一的古巨基，聯同麥浚龍和徐子珊等人出席活動。基仔與陳奕迅爭奪男歌手獎機會很大，基仔謙稱看好方大同，全球男歌手獎他則認為非劉德華莫屬。
新城頒獎禮昨日在荃灣舉行拉票活動，出席歌手包括古巨基、麥浚龍（Juno）、陳偉霆、吳雨霏和徐子珊等，徐子珊穿上高踭鞋勁歌熱舞，但因現場為膠地板而險些跣低。大會同場宣佈網上投票勁爆男歌手獎歌手，截至昨天古巨基、陳奕迅及側田入選三甲，側田近年成績插水竟也離奇入圍，反而張敬軒和方大同等人卻暫時落在其後，認真古怪。
好奇趙薇懷孕
提到勁爆男歌手獎是基仔與陳奕迅之爭，基仔說：「唔可以咁講，好多男歌手都好，好似方大同嗰啲，而我鍾意Juno嘅歌好有獨家風格。」另外，今年基仔為無綫做了很多工作，可有信心冧莊《勁歌》最受歡迎男歌手獎？他則說：「每個歌手簽約畀無綫都會幫手，好普遍，冇話佔唔佔優。」被問到趙薇懷孕一事，他說：「我都好想知，新聞疑幻疑真。」
徐子珊撐楊怡
Juno被問到有報道指陳冠希為復出拍戲不顧形象，他稱應由外界衡量，問到會否介意合作，他說：「接得部戲全因為套戲行先，但暫時未諗到有機會。」至於有傳陳偉霆與Angelababy分手，Baby戀上黃曉明，陳偉霆說：「保持住朋友關係，一直冇變。呢排太忙，我哋幾個星期冇聯絡，但唔係報道所講咁樣，我同佢都有權結交朋友。」
此外，徐子珊對於楊怡在無綫台慶頒獎禮上奪兩獎，被批評未夠班，她力撐楊怡說：「對佢好唔公平，佢有付出努力，各方面都做得好。」
採訪：王連連 攝影：黃偉雄
