由年輕人同社運新血成立嘅網上電台「青台」噚日正式啟播，撐場人士包括「民主之父」馬丁、白鴿黨正副主席等。馬丁堅持畀多啲時間泛民「諗一諗」嘅做法，記者追問五區總辭點睇，佢就出招轉移話題，話對車路士前晚輸波興趣大啲，仲講到前晚捱夜睇波，但車仔龍門唔掂輸波搞到好谷氣。
「反對民主前進易跌親」
到咗「青台」發言環節，馬丁先至講番啲近榜嘅笑話，話老人家一聽到「青台（苔）」兩個字，都會叫人小心啲，「所以嗰啲反對民主前進嗰啲老人家呢，就要小心啲，好容易跌親o架」。早已聽聞唔少青台年輕人都力撐五區補選嘅白鴿黨主席何俊仁，就話唔驚俾人喺節目中鏟自己，話自己亦識鏟番人，笑言「唔係闔咩鏟就得」。公民黨前黨員譚香文原來亦有節目，名叫「青台有香文」。青台台長林子健搞笑解釋，話改個咁嘅名，係因為青台鄰近九龍殯儀館，所以「有香聞」，大家有興趣收聽可以去 http://www.hkgreenradio.org。