【澳門直擊】潮媽陳慧琳（Kelly）昨日到澳門為壹號廣場任開幕嘉賓，母愛爆棚的她話題不離寶貝蝦餃仔劉昇。她透露近5個月大的蝦餃仔超為食，剛開始吃有機餬仔，體重重達22磅，她更笑言蝦餃仔身超長，擔心他長大後找不到女友，現已積極向友人的B女埋手，搵定蝦餃仔女友。
賭王千金何超瓊（Pansy）昨日率領胞妹超鳳和超蕸等人現身澳門，為信德發展的澳門壹號廣場主持開幕典禮，三房的超雲也去到撐場。
第一日食餬仔
身穿Dolce&Gabbana冬裝的陳慧琳獲邀為大會嘉賓，她甫見記者即大談其囝囝「蝦餃」經，她笑說：「今日係蝦餃仔第一日食有機餬仔，爹哋（指老公）餵佢第一啖，我就餵第二啖，佢好鍾意食，我哋仲齊齊影晒video。佢好為食，成日睇住大人食嘢，仲成日舔我隻手指。」
Kelly指蝦餃仔長得好快，她說：「佢成21、22磅，佢個身太長，都擔心佢太高難買衫，都好驚佢第時搵唔到女朋友，香港啲女仔唔係好高，家都會留意身邊朋友啲B女。」她又大讚蝦餃仔好易湊，她說：「佢已經戒咗夜奶，好少喊，除非唔畀嘢佢食。」
明年全情工作
問Kelly買了甚麼禮物給兒子，她說：「已經買咗套聖誕老人衫，不過頂帽會遮住佢個下巴。」她透露明年會逐漸投入工作，她說：「戲唔會拍住，不過4月會錄國語碟，到時有一首會關於蝦餃仔講親情嘅歌。」採訪、攝影：JessicaNgan