港股前個禮拜五受杜拜事件影響，單日急挫逾千點，上禮拜回復升勢，收復失地兼升凸，唔使睇都知周線圖個勢好靚。
恒指升上20日線之後轉為整固，係好正常發展，上周五淡友早段強攻，恒指曾跌超過300點，但最後只跌55點收市，加上花旗股市靠穩，呢個禮拜港股可以再試高位。
A50C輪17621：A50中國（2823）上周五收15.24元，升1.8%，成交大增支持股價上破20日線，若升穿15.60元，將向16.80元推進，可以諗吓隻C輪17621。
隻輪現價16仙，2010年3月22日到期，行使價14.38元，溢價4.8%，引伸波幅34.3%，有效槓桿6.2倍，正股升上16.80元，17621睇27.7仙，如果正股跌穿14.70元，就沽咗隻輪止蝕。
俊樺