官恩娜（Ella）早前憑一曲《EndlessLove》唱到街知巷聞，歌藝實力即被賞識，令她歌唱事業重生，昨日Ella再下一城參與《超級巨聲》，不容有失更倍添壓力，幸她夥拍參賽者唱英文歌《BecauseofYou》時能發揮水準，還解釋自己想選唱廣東歌，並自嘲說：「我係假鬼妹！」
無綫節目《超級巨聲》淘汰賽越來越激烈，昨日邀請了哈林庾澄慶擔任嘉賓主持，並分別與官恩娜、RubberBand等齊齊與參賽者合唱，務求擦出火花令參賽者晉級，節目開始時哈林先以搖滾唱腔演繹歌曲《遇見》，氣氛高漲。
「要將件事做靚」
Ella早前曾於《超級巨聲》上踢館獻唱一曲《EndlessLove》歌聲悅耳，當時獲得節目評判一致好評，還即時給網友熱捧，令Ella歌星身份被肯定，昨日她再次應邀上節目，夥拍參賽者何紫慧合唱《BecauseofYou》，Ella說：「呢個節目之前帶畀我太多，對我嚟講意義重大，今次再上嚟會有壓力，但上嚟係要將成件事做靚，令參賽者晉升，唔可以只顧自己。」
對於再次挑選英語歌曲演繹，Ella說：「同參賽者一齊揀，我都想唱廣東歌，唔想大家以為我只係識唱英文歌，我係假鬼妹。」
哈林歌藝俱佳
哈林在現場獻唱時令觀眾聽出耳油，評判亦讚不絕口，而他夥拍劉美君和張繼聰擔任嘉賓主持時，還對答如流，又懂得營造氣氛，即時搶去不少風頭，哈林還會分別夥拍香港及內地參賽者合唱。採訪、攝影：卓寶花
