黎耀祥日前在無綫舉行的《萬千星輝頒獎典禮2009》中，憑劇集《巾幗梟雄》的柴九一角，以大熱姿態登上視帝寶座。前晚祥仔拉大隊到將軍澳食飯慶祝，與親友一起分享得獎喜悅。
現年45歲的黎耀祥於日前舉行的《萬千星輝頒獎典禮2009》中，成為眾望所歸的視帝，他又撼低另一大熱候選人Laughing哥謝天華，奪得我最喜愛的電視男角色和tvb.com人氣大獎，成為三料視帝，成績彪炳。前晚出爐視帝黎耀祥和十多名親人包括兄姊及堂姊等，到將軍澳一酒家食飯慶祝，分享得獎喜悅。
領獎翌日即開工
當晚祥仔與太太到達酒家後，祥仔的哥哥即送上一支香檳。祥仔開香檳與親友舉杯慶祝，大家更祝他下次能奪影帝。由於祥仔得獎當晚慶功至凌晨5時，故他前晚一臉倦容，他說：「我慶功完之後第二朝仲要入廠拍嘢，只係瞓得幾個鐘。」
問祥仔會如何處置獎座，他表示去年的最佳男配角獎也只是放在衣櫃內，他說：「嗰三個獎未有得拎返屋企住，因為公司仲要幫我哋刻番個名，舊年個獎我仲放咗喺衣櫃，今年真係想諗一個地方。」
獲愛兒送吻祝賀
此外，祥仔透露獲囝囝送上一吻祝賀他成為視帝，令他甜在心頭，不過未有收到太太送的禮物，他估計愛妻遲些會補送。早前祥仔曾有意想換屋，問他成為視帝會否換樓獎勵自己？他說：「睇嘅啫，你知家啲屋咁貴，同埋搬屋好麻煩，暫時都冇考慮。」
採訪：馬建華
攝影：仇志德