「選舉委員會唔可以概括700萬人嘅意見，一人一票選出嚟嘅特首先有代表性！」小學生都明嘅道理，煲呔點解唔明？香港小童群益會噚日舉行第五屆香港小特首就職典禮，小特首由32位小五至中一學生組成，佢哋過五關斬六將，企街拉票樣樣做齊，經歷過網上選舉嘅洗禮先有今日。
有小特首分享，街頭拉票雖然辛苦，但明白到原來一張小小嘅選票背後，除咗係努力嘅回報，仲係選民對自己的信任。一眾小特首嘅任務，係就兒童權益問題發聲，表達意見。在場嘅公民黨黨魁余大狀提醒各位小特首，就算要因應現實同其他人「妥協」、尋求「共識」，都要基於普世價值同符合公平原則。