英格蘭在上周五的分組賽抽籤中編入C組，只面對美國、阿爾及利亞及斯洛文尼亞。英格蘭領隊卡比路仍吩咐隊員小心，但眾名宿已表示英格蘭的分組對手，好比樂隊「披頭四」般完美。
世界盃分組賽抽籤在主辦國南非的開普敦舉行，除了有南非女星查理絲泰朗、英格蘭球星碧咸擔任抽籤嘉賓外，多支晉身決賽周球隊，亦派出要員出席，英格蘭領隊卡比路亦成座上客。對於抽籤結果，卡比路表示：「不錯，其他組別的對手，比C組強。但同組對手也不易應付，我會說給己隊隊員知道。」事實上英格蘭只要取得C組首名，淘汰賽初段亦料不會遇上太多強隊，16強面對D組次名，相信不離加納與塞爾維亞。8強較難應付，可能是法國、墨西哥或尼日利亞，準決賽面對巴西，可能是英格蘭最大阻力。
足智彩冠軍賠率好分
英格蘭一眾66年捧盃功臣，也希望英軍再捧盃，積查爾頓說：「卡比路應該很高興，我想這是最容易晉級的組別。」眾名宿更以英國著名樂隊披頭四，來形容英格蘭分組抽籤的完美。
英格蘭抽到好簽，英國博彩公司立即更改賠率；Skybet將英格蘭的冠軍賠率由7倍調熱至5.5倍，僅次於西班牙成次熱。另外獲得C組首名只得1.36倍，不過足智彩末有調整賠率，英格蘭冠軍仍有6.5倍，為西班牙及巴西後，第3熱門。
巴葡陷「死亡G組」
相反5屆冠軍巴西卻陷入「死亡G組」，同組有葡萄牙、科特迪瓦及北韓；巴西教練鄧加說：「在難打的一組也不是沒有好處，球員可在比賽初段已集中精神。」今季同樣以高價加盟皇家馬德里的卡卡同基斯坦奴朗拿度（C朗），在G組就要分別代表巴西與葡萄牙交鋒。卡卡說：「我想這是一個真正死亡之組，能夠在世界盃一開始便集中，也是不錯的事。我們要避免在16強就面對西班牙。」C朗則說：「能與眾多隊友在南非交手，也是有趣的事。我們首戰要面對科特迪瓦，我知杜奧巴的厲害，但我有信心己隊可旗開得勝。」綜合外電
《花絮》
查理絲泰朗走樣
歲月不饒人呢句說話真係金科玉律，猶其係對女人而言，好似上周五喺南非為祖國，進行世界盃分組抽籤嘅34歲女星查理絲泰朗（CharlizeTheron），雖然佢嗰日就着咗件紅色性感衫，之不過就真係keep唔住啦，成個樣殘晒，完全同當年佢憑《美麗女狼》贏咗04年奧斯卡最佳女主角時無得比呢！
門將大災難
明年世界盃係「門將大災難」？明年南非世盃大部份比賽都喺高於海拔1,000米嘅球場舉行，其中舉行決賽嘅足球之城球場仲高達1,694米。據研究顯示，地勢越高嘅地方，球速就會較平時快百分之五，好似平時射罰球球速有120公里，喺高地時速就會有126公里，門將唔叫救命至奇啦！
投注額料130億
每逢世界盃舉行期間，全球嘅賭博公司嘅「生意」都會應接不暇，英國賭博公司威廉希爾發言人沙柏上周五就明言，明年嘅南非世界盃投注嘅金額將會為為歷屆之冠，估計總投注金額會首次突破10億鎊大關（約130億港元），真係誇張！
抽籤前虛報炸彈
警方辦事能力高，市民嘅安全都會提高不少，好似喺上周五世盃分組抽籤前，就有一名外籍記者同一名南非當地人，分別虛報喺國際會議中心同埋開普頓國際機場有炸彈襲擊，好彩當地嘅警方神通廣大，已經佈下天羅地網捉拿佢哋，仲成功控制局面，未致引起公眾嘅恐慌。