坊間的車身裝飾品絕唔少，好似近期流行嘅幼身車線貼，顏色選擇多，而且又好鬼閃，貼咗確係為架車增加唔少跑味。其實你都可以自己動手幫車扮靚靚，但要做得又靚又型仔，就要識得技巧，免得貼到歪歪斜斜，又或者唔夠貼服。
轉彎位最易浮
今次我哋就搵咗車身美容師傅指點大家，學嘢喇！原來車線貼要貼得靚，最緊要係一把風筒。首先當然要確定貼嘅位置，再用酒精清潔乾淨，貼嘅時候盡量將貼紙拉直，避免皺摺。貼至轉彎位時，最易出現貼紙浮起嘅現象，咁就要出動風筒啦！貼紙喺受熱下，自然黐得貼貼服服啦。
記者：趙慧敏
鳴謝：AutoHouse（90318706）
