【本報訊】「九龍皇帝」曾灶財兩位生前好友為保護其作品再起爭拗，早前親手「了斷」曾墨寶的藝術家鍾燕齊，昨早偕友人到界限街天橋下修復曾灶財的作品，逐小鏟去墨寶上的灰油，令墨寶重現公眾眼前。立法會議員陳淑莊關注曾灶財作品的情況，將去信民政事務局，要求局方交代現存曾灶財墨寶的位置和保護方式。
轟政府部門沒協調
立法會議員陳淑莊對於墨寶逐一消失感到心痛，「第二時西九都話有contemporaryart（現代藝術），但係本身喺公眾地方嘅都唔保護，點吸引人肯捐出啲作品擺西九？」她批評政府部門之間沒有協調，屢次破壞曾的墨寶，「睇住佢咁樣消失真係好心痛。」
曾灶財的好友劉健威周四到警署報案，嘗試阻止鍾的破壞行動，「佢呢種用破壞嚟保存嘅邏輯，真係冇乜邊個可以接受，我唔係好明白，就算啲墨寶condition唔好，都無理由擺自己啲畫上去，難聽啲講句佢係踩住曾灶財上位，覺得無可奈何，試過打去民政事務總署，又唔覆我。」他欣賞鍾昨日修復墨寶的舉動，但表示與鍾本身沒有私人接觸，認為對方行為難以觸摸。