立法會不時會搞實地視察或參觀活動，通常參與者眾，但原來有啲參觀活動都幾「趕客」。保安事務委員會原定本月8號到香港仔消防局參觀，但廿幾名委員中，參加者竟然不足三人，打麻雀都唔夠腳，勞師動眾招呼兩個尊貴議員浪費資源，所以噚日決定取消。點解議員要參觀香港仔消防局？呢間局1961年啟用，預計2012年會搬去南風道新局，現址預料會保留做政府、機構或社區用途，唔通議員想去悼念呢間半世紀消防局？有議員就話，嗰日會議繁多，有啲議員又要見財爺，畀你揀，去會FS好過打擾FireServices啦。