每個人對數字有唔同嘅感覺，我當然冇資格住88樓，個人幸運號碼係7號，近代最愛足球員亦屬7號法國猛將皮利斯。但也為3號、NBA不死戰神艾華遜（AI）場上澎湃嘅爭勝決心着迷，高興見到他肯再戰江湖，重效費城着番呢件戰衣；今天日本波煞科，我也玩吓呢個冧巴，重心捧足智彩第3場，仙台維加泰炒FC愛媛，封王日乙。
尊崇AI皮利斯敬業
人誰無錯，但唔能夠龜縮，有錯應該企出嚟認，做到好似高球一哥活士咁，俾傳媒越揭越臭點都唔出嚟，正派形象已毀於一旦；做得籃球場上嘅不死戰神，已經贏盡榮華富貴，無理由就咁34歲收山衰收尾，仲有機會返費城打波，係佢嘅福氣。AI夢想攞一隻冠軍指環，機會已微，但仍有力氣，只需一如以往拚死一戰，足以今生無悔，球迷尊重。
小弟對皮利斯十分敬重，除咗佢喺阿仙奴時期好波係人都知外，當年喺封王英超嘅頒獎禮上，全體球員向當時這位因傷揸拐杖嘅法國人跪拜；到現年36歲，仍為西甲維拉利爾打拼，時有入波，敬業樂業，這種球員世上實不多。
今天仙台維加泰煞科戰迎愛媛，翻查近3季日乙煞科日，最終冠軍球隊都贏波謝幕，希望今天沒有捉錯用神；配腳取鳥棲迎櫻花鬥攻開「大」及英甲超班馬列斯聯低哈特斯菲爾德。（本欄東亞運期間將會暫停，月中再會）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期六3仙台維加泰勝[-1]（1.9）
星期六3仙台維加泰勝（1.3）x星期六4鳥棲砂岩大（1.8）x
星期六23列斯聯勝（1.65）3x1