三嫂戚美珍復出螢光幕拍劇，早前接受無綫總經理陳志雲嘅《志雲飯局》訪問。訪問中，三嫂提到同三哥苗僑偉嘅婚姻關係，三嫂好大方咁直認佢「粗粗哋」，大家唔好心邪，佢其實係話三哥係真男人性格，同鍾情佢對自己無微不至嘅關心。至於兩人點樣維持婚姻？三嫂話要互相遷就。講到三哥嘅緋聞，三嫂話彼此信任係維繫婚姻嘅重要因素。