拍烏蠅東亞運開鑼，嚟自九個國家逾3,000個健兒已進入狀態，為免選手過度緊張影響出戰心情，東亞運有限公司非常體貼，聯合唔同機構喺比賽期間舉辦一啲晚會，等一班選手可以放鬆一吓。
雖然香港嘅迪士尼樂園係就係細咗啲，但依然係唔少旅客必玩嘅地方，相信唔少運動員都希望暢遊迪士尼，所以12月8號嘅晚會就鐵定喺迪士尼舉行，主題名為「關島之夜」。
據知呢個活動係開放畀所有運動員參加，屆時迪士尼會為運動員「封園」，以免知名運動員被旅客要求簽名、影相而未能癲番晚。八方估計會吸引唔少出局運動員參加，山長水遠嚟到香港喎，攞唔到獎牌，攞個迪士尼回憶走人都好吖！