花旗股市前晚窄幅波動，道指喺10500關前徘徊，投資者表現較為審慎，不過，花旗股市整固對噚日港股冇影響，恒指繼續推高，升破22500收市，成交雖然縮咗啲，但有700億元都唔算太奀。
四大地產股全部上升，長實（001）、恒地（012）同新地（016）都升破保歷加通道頂，睇嚟地產股已經準備好開車。
恒地C輪18480：恒地昨收60.55元，升6%，係一眾地產股中最省鏡，短線睇68元，可以諗吓隻C輪18480。
隻輪現價1.12元，2010年3月29日到期，行使價52元，溢價4.3%，引伸波幅46.9%，有效槓桿4.1倍，正股升上68元，18480睇1.73元，升幅超過5成，如果正股跌穿57元，就沽咗隻輪止蝕。
俊樺