詹瑞文演出完多個舞台劇之後，他已決定暫別香港舞台，退身成為劇團的軍師，還打算開拓大中華市場，將之前票房大收的演出引進內地，而且會不停培訓舞台劇下一代新演員，將自己的專長及技能長傳下去。
詹瑞文之前的《萬千師奶賀台慶》、《萬世歌王》以及《港女發狂之港男發瘟》都受好評，不過他並沒有打算再演出新劇目，而是決定暫時退出香港舞台，轉戰內地，他說：「好多觀眾睇我嘅演出已經變成一個習慣，我就係唔鍾意乜嘢都俾人估到，喺呢個時候暫別香港舞台，亦都係一個好時機，我就係要大家估我唔到。」原來阿詹有此計劃，或與劇團陷入經濟危機有關，自他的劇團脫離政府資助後，加上金融風暴，詹sir亦要裁員。
廣州租寫字樓
廣詹sir說：「Run一個劇團一個月都要100至200萬，之前真係有幾個月係要捱，今日唔知聽日事。呢個時候我發現其實內地嘅舞台事業開始發展得好好，內地嘅觀眾就開始認識我同鍾意睇我嘅演出，於是我決定喺廣州租office，開始發展內地市場。」
詹sir雖然暫時退身香港舞台，但不代表放棄香港市場，他更希望藉着這個機會培育下一代，而聖誕節上演的《潮性辦公室》，正好由他4位愛徒擔任主角，他於劇中擔任創作及導演的位置，擔sir表示：「家正好係一個收割期，我呢4位徒弟有啲都跟咗我8年啦，我希望觀眾鍾意我之餘都鍾意佢哋，我要佢哋以實力去俘虜一班觀眾，因為一個劇團入邊，唔可以只係靠一個詹瑞文！」
採訪：李珮洳 攝影：陳俊強