o靚模A.Lin和DaDa都是這個月生日，她們的fans早前提早與兩人慶祝，包了一間cafe舉行BBQ生日會。粉絲們花盡心思，送上蛋糕、燒豬、壽包和各式各樣禮物她們開心，A.Lin和DaDa均十分高興，還即場互送birthdaykiss。
o靚模A.Lin和DaDa因為屬同一公司，所以經常結伴工作，自然成為好友，原來兩人連生日都只差數天，日前她們索性一起慶祝，A.Lin還帶着愛犬到場。
舉行睡衣派對
生日會上，fans一起唱生日歌，又送禮物給偶像，之後還一起燒烤。難得跟fans聚會，二人均很投入興奮，不時與粉絲傾偈，她們更被起哄要求互咀送birthdaykiss，老友鬼鬼的二人忽然怕羞起來，DaDa更喪笑遮醜，到最後只鼻貼鼻示意。
除fans搞的生日會外，二人又表示會與朋友再慶祝，DaDa說：「本來我哋諗住book間酒店房，搞個睡衣派對，淨係得女仔，咁樣可以玩得狂野啲，但啲朋友及同事都想幫我哋搞生日，最後都係決定男女朋友一齊玩。」
問到二人有甚麼生日願望？A.Lin說：「希望多啲工作，可以搵多啲錢，公司所有模特兒都開開心心。」DaDa則說：「我都係想搵多啲錢，同埋有更多唔同嘅發展，做嘢順順利利。」看來兩人都很有事業心。
盼遇心儀對象
至於感情生活，A.Lin和DaDa均表示現在沒有拍拖。是否公司不准許？DaDa說：「唔係，只係未遇到鍾意嘅。」A.Lin則說：「係喇，公司都冇話唔畀，只不過未遇到。」
採訪、攝影：胡比
