好耐冇拍劇嘅劉兆銘最近有份演出無綫台慶劇《富貴門》，噚日佢接受同劇拍檔薛家燕訪問時自爆拍其中一場遇溺戲時，差啲戲假真做。銘sir話：「原本我只喺岸邊半浮沉扮遇溺，點知現場大浪冲咗我出海中心我都唔知，腳完全唔到地，之後又有幾個大浪打埋嚟，搞到我口同鼻入晒水同沙，又撞埋嚿石度。」好彩後來銘sir被浪冲返上岸，但係都嚇親o架。