江若琳最近推出新碟，昨日她到商台宣傳，她表示第一版已接近斷貨，下星期將會推出寫真集，印5,000本。問到收入是否進賬不少，她說：「未知，但呢排我做嘢，冇乜機會用錢，媽咪每個星期畀500蚊我都冇乜點用，希望儲多啲錢買樓啦！」另外江若琳正籌備個人音樂會，她到時會有很多歌舞環節，為此她經常健身練腹肌。