黎明（Leon）、陳可辛及曾志偉等前晚到金鐘，出席雜誌舉辦的頒獎禮，三人和譚盾及山本耀司獲大會頒發「年度君子獎」，Leon和陳可辛更拿出金馬影帝及百年大導最佳導演獎展覽。
陳可辛監製及Leon有份主演的新戲《十月圍城》即將上映，雖然同期有不少電影推出，但二人皆信心十足。提到創意，Leon說：「創作係天馬行空，但一定要受得批評，之後再做好啲，受唔到批評，自己驚咗就唔得。」
陳可辛否認中風
早前有傳陳可辛中風，他說：「冇呢件事，嚇親我太太，搞到佢好緊張。」他透露會定期檢查，身體情況良好。
此外，黎明愛徒衞蘭（Janice）前晚帶師弟李治廷到無綫將軍澳電視廣播城，錄影《勁歌金曲》，Janice對李治廷照顧有加，卻謂不愛稱李治廷為師弟，她說：「我哋好似兄弟咁，喺新戲裏邊佢仲扮我爹哋，我哋仲有幾日戲先拍完。」Janice聖誕檔會跟黎明到美國登台搵真銀，提到她若因此缺席年底樂壇頒獎禮極可能冇獎攞，她說：「我仲未決定，要睇吓喺美國返嚟情況先知。」
採訪：魯萍、王崇穎
攝影：黃文成