羽翹噚日到商台宣傳新歌《吸血新世紀》，嚟緊月中會推出全新EP，講番首歌原來係佢親自填詞，擺到明係趁西片《吸血新世紀》嘅氣勢未退而食住上。呢首歌係講述自己遇到花心男嘅故事，佢將個男仔比喻為吸血鬼，將佢啲血抽乾，原來當日佢幾經辛苦同個男仔拍拖，點知自己原來做咗第三者，對方女友喺Facebook將真相畀佢睇，令佢知難而退。