羅家英同太太汪明荃婚後首次合作，製作及演出粵劇《德齡與慈禧》，佢哋噚日接受商台訪問，家英哥講笑話被太太威逼寫咗呢份劇本，又喺節目乘機投訴太太明知錯都要駁嘴，死雞撐飯蓋。雖然家英哥玩踢爆兼喺節目上唔尊重阿姐，但阿姐仍然好關心家英哥，佢話家英哥牙痛又成日唔飲水，所以不時會奉上暖水畀家英哥享用。