即將喺創業板招股上市嘅消費電子品解決方案供應商幻音數碼，背後有多名重量級人馬撐腰，最矚目係70至80年代叱咤風雲嘅「股壇怪俠」香植球位四公子香立智，佢唔單止有份持股，仲同主席兼創辦人之一嘅科大教授廖家俊為公司融資擔保過千萬港紙，都算勞心勞力喇。
至於點解四公子肯扑槌入股，或者同幻音執行董事徐成業「不打不相識」有關，唔講唔知，香立智原來係吳家太極拳香港鑑泉總社當今掌門吳光宇嘅首徒，徐成業正正係該總社嘅理事長，高手過招份外過癮!
幻音由三名科大教授揸弗，9年前已獲科大入股，科大前校長朱經武同埋大學教育資助委員會前主席林李翹如，以及永隆前大股東家族成員伍步謙三人，家都晉身為幻音獨立非執董，認真星光熠熠。