每個人都有犯錯嘅時候，最緊要係識得知錯能改，唔好好似某政府部門淨係識得話「嚴肅處理」然後最終無咗件事呢！美國嘅5呎10吋前「女飛人」鍾絲（圖）就係一個肯勇敢承認錯誤，並勇於改過嘅成功例子。雖然佢喺00及01年期間曾服用禁藥違規，被褫奪悉尼奧運嘅3面金牌及兩面銅牌、仲要坐6個月監，之不過呢段黑暗歲月無令佢意志消沉，反而積極反省後勇於面對人生新生活；佢嘅積極精神感染了聖安東尼奧銀星教練丹曉士，自今年10月起畀曾於大學時代贏NCAA冠軍嘅鍾斯同球隊一齊操練，或可明年「復出」體壇參戰WNBA，有機會展開人生第二個高峯呢！