楊怡前晚以性感晚裝到會展出席「太子珠寶鐘錶銀禧公益慈善夜」，最近憑《宮心計》中麗妃娘娘而人氣急升的楊怡以露背裝上陣，未知是否預料會失落視后，出席活動時已不停提「視後」（視后），楊怡說：「攞唔攞到獎唔重要，最重要係睇到『視後』！」
太子珠寶鐘錶銀禧公益慈善夜前晚假會展舉行，黎明代表公益金到場接收100萬善款，及後他因趕着拍電影而未有接受訪問。而大會邀請了楊怡、陳自瑤（YoYo）、王君馨、馬賽及鄭嘉穎等行珠寶騷，楊怡佩戴了一套百多萬藍寶石首飾，襯以黑色露背裝的她份外明艷照人。
滿意收視請食飯
不過同場的YoYo和王君馨均谷胸示人，問到楊怡會否擔心被搶鏡？她笑言：「呢期興視后呀！我今次露個又白又滑嘅背脊畀大家睇，攞唔攞到獎唔重要，最重要係睇到『視後』，同埋有珠寶搭夠。」
楊怡又表示《宮心計》收視已平《大長今》感到相當滿意，她相信統計網上的收看率應有望衝破《大長今》的收視，她與佘詩曼、鄭嘉穎及陳豪決定請食飯慶祝。
YoYo低胸襯主人
以一條銀灰色lowcut示人的YoYo突然升cup，記者笑她搶去《宮心計》中主人楊怡鏡，她笑言：「主人唔會同我計呢啲，佢『視後』我就視前啦，我未有資格做『視後』，同埋我一向都有啲，但我唔會刻意去暴露。」
此外，身穿黑色deepV晚裝的王君馨大騷美好身段，她自覺服飾太過性感，故此早已貼上膠紙防走光。
採訪：卓寶花
攝影：陳慧安