01年亞視女優冠軍李綺雯（o靚妹），近年過檔無綫，她上周六被爆跟效力南華的香港首席射手陳肇麒發展姊弟戀，戀情維持了半年，二人激吻照更曝光。o靚妹昨日卻承認閃電分手，這段情可謂非常化學，有指陳肇麒與o靚妹的戀情曝光後即飛她，查實一腳踏兩船。
有「o靚妹」之稱的無綫女藝員李綺雯，原來暗交效力南華、外號陳七的足球明星陳肇麒，相戀半年終於紙包不住火，上周六戀情曝光，至今僅數天，有消息指陳七於10月與舊愛Natalie十指緊扣逛銅鑼灣，看來二人還未斬纜，陳七有一腳踏兩船之嫌，而o靚妹也是疑似第三者。
o靚妹稱已分手
陳七今年2月曾被拍到跟一名長髮女子拍拖看球賽，據知他未與o靚妹拍拖前，曾跟在銅鑼灣任職美容的女友Natalie相戀，二人10月又拖手出巡，看來與o靚妹的感情現危機，記者昨日致電o靚妹，她在電話沒精打采說：「我哋分咗手。」
雖然o靚妹和陳七秘密拍拖半年，但由女方親證戀情到分手，快過閃電，前後不足一周，o靚妹解釋：「前幾日你（記者）打嚟時，我哋已經分開咗，我一路都唔想講自己感情生活，以為唔出聲默認咗就算數。」
自戀情曝光，o靚妹卻被指是第三者，她哭訴要還自己清白：「我唔想講當中發生咗乜嘢事，一段情完咗，梗係有佢嘅原因，總之我唔係第三者，分手已經令我好傷心，我唔想再講，好怕俾人喺傷口灑鹽。」據o靚妹身邊人透露，Natalie為搶回男友陳七，近日不停發功，最終成功踢走情敵。
男方被指劈腿
陳肇麒與舊愛關係未斷，他與o靚妹的激啜相近日卻離奇在網上流傳，o靚妹否認事件與她有關，她無奈說：「我係放過啲相喺facebook，但有一排自己入唔到去，之後我都擔心，立即將啲相鏟走，我都唔知點解啲相流咗出去，總之我冇放料。」記者昨日致電陳肇麒，問到他是否與o靚妹玩完？他說：「我係唔會答你。」至於他是否一腳踏兩船？他說：「我唔會答你。」隨即掛線。
採訪：比華利
