花旗股市上禮拜五冇出現大插，股民鬆一口氣，噚日港股大幅反彈，大戶挾完好友挾淡友，真係肥過肥仔水，個市雖然反彈接近700點，但係短線仲會好波動，短炒唔好太博，不過後市反覆向好，低位可以收集藍籌股。
滙控（005）同內銀股噚日反彈幅度唔細，整固吓可以繼續向上試關。
聯想C輪17053：聯想（992）昨收4.47元，升4.6%。股價升破10日線，如果升穿埋4.65元，會推向5元，可以諗吓隻C輪17053。
隻輪現價78仙，2010年2月22日到期，行使價3.88元，溢價4.2%，引伸波幅52.4%，槓桿率5.7倍（有效4.3倍），正股升上5元，17053有機見1.21元，如果正股跌穿4.25元，就沽咗隻輪企蝕。
俊樺