兩場重量級打吡戰分出勝負，擁躉自悲喜參半，車仔巴塞的確超班贏得合理。兩軍一剛一柔，化解對手反撲能力於無形，有緣喺明年嘅歐聯淘汰賽相遇的話，實是我等波癡之福；周中回到硬橋硬馬嘅英國波，當要敲冷，捧兩支各自在所屬級別嘅下游掙扎嘅南部軍，當中以剛戰慘敗嘅老樸，喺聯賽盃迎維拉，可博冷。
阿仙奴冇尹佩斯冇戴亞比冇賓特拿，更加唔夠硬淨，睇錯佢哋嘅主場威力；對手部署實在出色，用回贏曼聯嗰套，根本唔使同你鬥攻，屯重兵於中路防守；再用安歷卡同杜奧巴打突擊已夠恐佈，夠晒剛勁，你攻勢多都無用。至於巴塞之贏，其實皇馬已打得好，尤其上半場客軍用C朗打突擊，中場狄亞拉同沙比阿朗素強力掃蕩，巴塞冇乜優勢；不過論個人技術，巴塞實在太好波，以柔制剛，短傳入滲無懈可擊，出超級射手伊巴後備換入即贏，你話有運又得，部署好又得。
普耶領白禮頓嘆「查」
好嘞，睇完兩場好波，周中回復平淡，聯賽盃曼聯同阿仙奴小虎隊啱唔啱睇？歐霸盃狂播，唔使預我。要推介，先捧冇得播嘅老樸，上場大敗曼聯踢得唔錯喎，今屆喺呢個盃有表現，對住半力嘅維拉，受讓可博冷；英甲，普耶教嘅另一南部球會白禮頓似有起色，面對防守不穩嘅查仔，有力出冷。（下次見報日：周三）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期二2樸茨茅夫下(2)
星期二2樸茨茅夫勝2:1(11),3:1(26)x
星期二4白禮頓勝3:2(26),和2:2(12)2x3
簡評：心水唔多，搵南部兵吼冷